اروشی روتیلا اکثر سوشل میڈیا پر رشبھ پنت کی وجہ سے بحث میں رہتی ہیں۔آج بھی کچھ ایسا ہی ہوا ہے۔ بالی ووڈ اداکارہ اروشی روتیلا کرکٹر رشبھ پنت کے حادثے کے بعد سوشل میڈیا صارفین کے نشانے پر آگئی ہیں اور کچھ لوگ انہیں ٹرول کر رہے ہیں۔ دراصل اداکارہ نے رشبھ پنت کے گاڑی حادثے کے بعد اپنی ایک تصویر انسٹاگرام پر پوسٹ کی ہے اور اب لوگ اس تصویر پر اپنے عجیب و غریب تبصرے دے رہے ہیں۔ Urvashi Rautela getting Trolled
اطلاع کے مطابق بھارتی کرکٹر رشبھ پنت آج صبح کار کے ذریعے دہلی سے روڑکی اپنے گھر واپس آرہے تھے تبھی محمد پور جھال کے قریب منگلور کوتوالی علاقے نرسان بارڈر پر وہ حادثے کا شکار ہوگئے۔ بتایا جارہا ہے کہ ان کی کار بے قابو ہو کر ریلنگ سے ٹکرا گئی۔ جس کے بعد گاڑی میں آگ لگ گئی۔ اس دوران رشبھ پنت نے ہمت نہیں ہاری اور آگ سے جھلسنے کے باوجود وہ گاڑی کا شیشہ توڑ کر باہر کود گئے۔ حادثے میں پنت کے سر، کمر اور پیر پر چوٹ آئی ہے۔
رشبھ کے حادثے کے بعد اروشی روتیلا نے اپنے انسٹاگرام پر ایک تصویر شیئر کی ہے۔ اروشی نے اس تصویر کے کیشپن میں بغیر رشبھ کا نام لیے لکھا کہ 'میں دعا کر رہی ہوں'۔ اس تصویر میں اروشی کسی پری سے کم نہیں نظر آرہی ہیں۔ لیکن اس پوسٹ کے بعد لوگوں نے ایک کے بعد ایک تبصرہ کرنا شروع کردیا۔ کچھ لوگوں نے کہا کہ وہاں رشبھ پنت کا حادثہ ہوا ہے اور یہ انسٹاگرام میں لگی پڑی ہیں'۔ وہیں ایک اور صارف نے لکھا کہ ' بھابھی جی رشبھ بھیا کا حادثہ ہوگیا ہے'۔ اس درمیان کچھ فالوورز اروشی روتیلا کی حمایت میں کھڑے ہوئے ہیں۔