ہندی سنیما کو پاکیزہ، صاحب بیوی اور غلام اور کاجل جیسی بہترین فلمیں دینے والی اداکارہ مینا کماری کا آج 89واں یوم پیدائش ہے۔ مینا کماری کا اصل نام مہجبین بانو تھا وہ یکم اگست 1933 کو ممبئی کے دادر میں پیدا ہوئیں۔ اولین فلم فیئر ایوارڈ [1952] یافتہ مینا کماری نے فلمی دنیا کی کمسن اداکارہ کے طور پر سفر شروع کیا تھا اور ایک طویل عرصے تک وہ بھارتی پردہ سیمیں پر چھائی رہیں۔ Actress Meena Kumari Birth Place
اپنے 33 سالہ فلمی کیریئر میں انہوں نے 90 سے زائد فلموں میں کام کئے۔ بیجو باورا ،کاجل، پھول اور پتھر، دل ایک مندر، آرتی، پاکیزہ اور صاحب بی بی اور غلام کے علاوہ اور بھی کئی فلمیں ان کی یادگار فلموں میں شمار کی جاتی ہیں۔ گذشتہ صدی کی چھٹی دہائی میں مینا کماری نے اردو کے مشہور شاعر کمال امروہی سے شادی کی جو دونوں کو راس نہیں آئی۔ مینا کماری کو یہ اعزاز بھی حاصل ہے کہ وہ بالی ووڈ کی پہلی ہیروئن ہیں جن کو پہلا فلم فیئر ایوارڈ 1952 کی ہٹ فلم 'بیجو باورا' پر ملا۔ Actress Meena Kumari's Total Films
مینا کماری اگر اداکارہ نہیں ہوتیں تو شاعرہ کے طور پر اپنی شناخت بناتیں۔ ہندی فلموں کے نغمہ نگار اور شاعر گلزار سے ایک بار مینا کماری نے کہا تھا، 'یہ جو اداکاری میں کرتی ہوں اس میں ایک کمی ہے۔ یہ فن، یہ آرٹ مجھ میں پیدا نہیں ہوا ہے، خیال دوسرے کا، کردار کسی کا اور ہدایت کسی کی میرے اندر سے جو پیدا ہوا ہے، وہ میں لکھتی ہوں، جو میں کہنا چاہتی ہوں، وہ لکھتی ہوں۔'