نتیش کمار کی ریلی میں لگے کانگریس زندہ اباد کے نعرے

'وزیر اعلیٰ نتیش کمار کے کام کاج سے یہاں کی عوام مطمئین ہے اور اب وقت آگیا ہے کہ این ڈی اے امیدوار سید محمود اشرف کو ووٹ دے کر کامیاب کریں'۔

ریاست بہار میں آئندہ پارلیمانی انتخاب کے پیش نظر کوچادھامن حلقہ کے جے ڈی یو رکن اسمبلی ماسٹر مجاہد عالم نے ای ٹی وی بھارت سے بات چیت کی۔

انہوں نے کہا کہ بہار کے وزیر اعلیٰ نتیش کمار کے کام کاج سے یہاں کی عوام مطمئین ہے، اب وقت آگیا ہے کہ نتیش کمار کے اطمینان بخش کام کا بدلا دیا جائے اور آئندہ پارلیمانی انتخاب میں کشن گنج کے این ڈی اے امیدوار سید محمود اشرف کو جیتا کر پارلیمنٹ بھیجنے کا کام کریں۔

نتیش کمار کی ریلی میں کانگریس زندہ اباد کے نعرے لگائے جانے پر انہوں نے کہا کہ مجلس اتحاد المسلمین اور کانگریس کے حامیوں کی یہ ایک سوچی سمجھی سازش تھی، جو کہیں سے بھی درست نہیں تھی.

انہوں نے مزید کہا کہ اگر ان کی ریلی میں ہمارے کارکنان اس طرح کی حرکت کریں تو یہ مناسب نہیں ہے۔

اسی دوران سماجی کارکن آصف رحمان سے بھی جنتا دل یونائیٹیڈ میں شامل ہونے کے وجوہات پوچھے گئے.