گروگرام: بی جے پی امیدوار کی مسلسل تیسری جیت

گروگرام لوک سبھا سیٹ سے بی جے پی امیدوارراؤ اندرجیت نے کانگریس کے کیپٹن اجے سنگھ یادو کو 3،86،256 ووٹوں کے بڑے فرق سے شکست دی۔

اس کے ساتھ ہی راؤ اندر جیت مسلسل تیسری بار اس پارلیمانی حلقے سے رکن پارلیمان منتخب ہونے میں کامیاب ہوگئے ، حالانکہ میوات کے تینوں اسمبلی حلقوں سے کانگریس نے کافی سبقت بنائے رکھی، میوات سے کیپٹن کو 271565 ووٹ ملے، جبکہ بی جے پی کو 82769 ووٹ ملے۔

بی جے پی امیدوار کی مسلسل تیسری جیت

اس طرح 188796 ووٹوں کی سبقت کے باوجود 386256 ووٹوں سے کانگریس کے امیدوار کیپٹن اجے یادو پیچھے رہ گئے۔رجحانات میں آگے نکلتے ہی میوات میں بی جے پی کے حامیوں نے نے خوشیاں منانی شروع کر دیں، بی جے پی دفتر پر موجود لوگوں نے مٹھائیاں تقسیم کرکے خوشی کا اظہار کیا۔