'کئی حکومتیں بدلیں۔۔ لیکن مٹیا محل کا حال نہیں بدلا'

دہلی کے چاندنی چوک کے پارلیمانی سیٹ پر مقابلہ دلچسپ ہو گیا ہے۔ بی جے پی نے یہاں سے ایک اور بار ڈاکٹر ہرش وردھن کو امیدوار بنایا ہے۔

جبکہ کانگریس نے جے پرکاش اگروال اور عام آدمی پارٹی نے پنکج گپتا کو ٹکٹ دیا ہے۔

اس بار چاندنی چوک کی عوام اپنے حلقے کے رکن پارلیمنٹ کے بارے میں کیا سوچتی ہے۔ اس متعلق جاننے کے لیے ای ٹی وی بھارت کی ٹیم پارلیمانی حلقے کے مٹیا محل علاقے میں پہنچی۔

ای ٹی وی بھارت کی ٹیم نے جاننا چاہا کہ کہ وہاں کی عوام کے کیا مسئلے مسائل ہیں، اور وہ اپنے رکن پارلمنٹ سے کتنے خوش ہیں اور کن مدعوں پر ووٹ کریں گے۔

ای ٹی وی بھارت کی ٹیم کو وہاں کے مقامی لوگوں سے ملی جلی رائے ملی تھی۔ مقامی لوگوں نے بتایا کہ ہمارے پارلیمنٹ ڈاکٹر ہرش وردھن ہیں۔ لیکن وہ نظر نہیں آتے ہیں۔

حالانکہ چند لوگوں کہا کہ سرکار کے کام اچھے ہیں پر ہمارے علاقے میں ترقیاتی کام نظر نہیں آتے۔