غلاظت میں رزق تلاش کرتا معصوم

اکثر شام کے وقت جب عموماً بچے کھیل رہے ہوتے ہیں تو اس وقت امت کوڑا جمع کر رہا ہوتا ہے۔

ریاست اترپردیش کے ضلع بارہ بنکی کی سبزی منڈی میں عام انتخابات کے لیے ووٹوں کی گنتی جاری تھی کہ اسی درمیان غلاظت میں روزی روٹی تلاش کرتے وہ معصوم بھی نظر آئے جن پر کسی سیاسی رہنما کی نظر نہیں پڑی۔
یہ دل دہلا دینے والی تصویر ضلع بارہ بنکی کے سبزی منڈی کی ہے جہاں شام کے وقت 10 سالہ امت اپنی والدہ کے ساتھ ووٹ کاؤنٹنگ کے دوران استعمال شدہ پانی کی بوتلیں اور لنچ باکس جمع کر رہا تھا۔

امت کا پورا کنبہ کوڑا جمع کرکے ان کو فروخت کرتا ہے اور اس کے ذریعہ اپنی زندگی گزارتا ہے۔

امت کی عمر پڑھنے لکھنے کی ہے لیکن مجبوری میں وہ اسکول نہیں جاتا۔

اکثر شام کے وقت جب عموماً بچے کھیل رہے ہوتے ہیں تو اس وقت امت کوڑا جمع کر رہا ہوتا ہے۔

کھیلنے کودنے اور پڑھنے لکھنے کی عمر میں امت کوڑا جمع کرکے اپنے اور اپنے گھر والوں کے لیے سامان زندگی جمع کررہا ہوتا ہے۔