Kolkata Murder: کولکاتا کے پارک سرکس گراؤنڈ میں نوجوان کا قتل

جنوبی کولکاتا کے مسلم اکثریتی علاقہ توپسیا تھانہ کے تحت تاریخی پارک سرکس میدان کے مین گیٹ پر گزشتہ رات کچھ شرپسندوں نے ایک نوجوان کا قتل کردیا جس سے علاقے میں سنسنی پھیل گئی۔ youth murdered at Park Circus ground in Kolkata

کولکاتا:مغربی بنگال کے دارالحکومت کولکاتا کے مسلم اکثریتی علاقے میں واقع تاریخی پارک سرکس میدان کے مین گیٹ پر گزشتہ رات کچھ شرپسندوں نے ایک نوجوان کا قتل کردیا جس سے علاقے میں افراتفری کا ماحول ہے۔ youth murdered at Park Circus ground in Kolkata

ذرائع کے مطابق بینیا پوکھر تھانہ علاقے کا رہنے والا نوجوان شاہنواز فرید اپنے ایک دوست کے کال پر گزشتہ روز دیر رات پارک سرکس میدان گیا تھا جہاں آج صبح وہ خون سے لت پت ملا، واقعے کے بعد نوجوان کے گھر والوں نے جائے وقوع پر پہنچ کر پولیس کو معاملے کی اطلاع دی اور شدید زخمی نوجوان کو چترنجن نیشنل میڈیکل کالج اینڈ ہسپتال میں داخل کرایا جہاں کے ڈاکٹروں نے اسے مردہ قرار دے دیا۔ Murder case in Kolkata

پولیس کے مطابق مقتول کی شناخت شاہنواز فرید کے طور پر ہوئی ہے جو کڑایا تھانہ علاقے کا رہائشی ہے اور وہ پیشے سے ٹیکسی ڈرائیور بھی ہے، پولیس نے مزید بتایا کہ اس معاملے میں دو نوجوانوں کو حراست میں لے کر تفتیش کی جا رہی ہے جلد معاملے کا انکشاف کرلیا جائے گا۔ Murder case in Kolkata

شاہنواز فرید کے اہل خانہ سے موصولہ اطلاع کے مطابق شاہنواز کے فون پر گزشتہ رات مسلسل کال آرہا تھا اس کے بعد اس نے یہ کہہ کھر سے نکلا کہ وہ پارک سرکس میدان سے گھوم کر واپس آرہا ہے جب دیر تک وہ گھر واپس نہیں آیا تو گھر والوں نے اسے ڈھونڈنے کے لئے نکلے اور جب پارک سرکس میدان کے پاس پہنچے تو شاہنواز فرید انہیں خون سے لت پت ملا۔