مغربی بنگال کے جنوبی 24 پرگنہ کے بوروئی پور تھانہ کے تحت رانا علاقے میں منعقد تقریب کے دوران دیسی شراب پینے سے تین لوگوں کی موت ہو گئی جبکہ دیگر پانچ افراد ہسپتال میں زیر علاج ہیں۔
ذرائع کے مطابق بروئی پور میں واقع 16 نمبر ریل گیٹ کے راتھن گائن نام کے ایک شخص کے مکان میں تقریب کا اہتمام کیا گیا تھا. اسی درمیان راتھ گائن اور ان کے دوستوں نےضرورت سے زیادہ شراب پی لی۔
کچھ دیر بعد ہی شراب نوشی کرنے والے یکے بعد دیگرے بیمار پڑنے لگے۔ اسی درمیان ایک سجیت نام کے ایک شخص کی موقع پر ہی موت ہو گئی۔
یہ بھی پڑھیں:
افراتفری کے عالم میں بیمار پڑنے والے افراد کو بروئی پور محکمہ ہسپتال میں داخل کرایا گیا جہاں مزید دو لوگوں کی موت ہو گئی۔ اس سے پورے علاقے میں سنسنی پھیل گئی۔
بروئی پور تھانے کے آفیسر دیب کمار پولیس اہلکاروں کے ساتھ جائے وقوع پر پہنچے اور حالات کا جائزہ لیا۔ بروئی پور محکمہ صحت کی ٹیم بھی موقع پر پہنچی۔
بروئی پور محکمہ صحت کی ٹیم کا کہنا ہے کہ شراب نوشی کے سبب ہی تین لوگوں کی موت ہوئی ہو گی لیکن ہمیں پوسٹ مارٹم کی رپورٹ ملنے تک کچھ بھی واضح طور پر بولنے سے گریز کرنا چاہیے۔
پولیس نے کہا کہ پورے معاملے کی تفتیش کی جا رہی ہے۔ فی الحال کسی نتیجے پر پہنچا نہیں جا سکتا ہے۔
