اورنگ آباد: شوہر نے بیوی کا بہیمانہ قتل کرکے خودکشی کرلی

ریاستِ مہاراشٹر کے اورنگ آباد ضلع میں شرابی شوہر نے بیوی کا بہیمانہ قتل کرکے ملزم نے خودکشی کرلی۔ دولت آباد پولیس اسٹیشن کی حدود میں پیش آئے واقعہ میں ملزم کی لاش برآمد کی گئی۔ گھریلو تنازعہ کے سبب قتل اور خودکشی کی واردات پیش آئی۔ پولیس اس معاملے کی تفتیش کررہی ہے۔

شرابی شوہر نے بیوی کا بہیمانہ قتل کرنے کے بعد خودکشی کرلی۔ یہ واقعہ دولت آباد پولیس اسٹیشن کی حدود میں تکلیچ واڈی گاؤں میں پیش آیا۔ بتایا جاتا ہے کہ گھریلو تنازعہ کی وجہ سے میاں بیوی کے درمیان اکثر جھگڑے ہوتے تھے۔ گزشتہ شب ایسی ہی تکرار کے بعد برہم چمپا لال بگوتے نے کلہاڑی سے بیوی پر وار کرکے اس کا قتل کردیا اور کھیت کے کنویں میں چھلانگ لگاکر خودکشی کرلی۔

پولیس کے مطابق واردات کے وقت ملزم کا بیٹا گھر میں سورہا تھا لیکن اس سے پہلے کہ وہ سمجھ پاتا اس کی ماں خون میں لت پت پڑی تھی۔ زخمی خاتون کو ہسپتال میں داخل کیا گیا لیکن علاج کے دوران خاتون کی موت ہوگئی۔ اس معاملے کی تحقیقات دولت آباد پولیس کررہی ہے۔