Police Stopped Friday prayers in Noida: پولیس نے پارک میں جمعہ کی نماز پڑھنے سے روکا

ابھی تک ہریانہ کے گڑگاؤں میں مسلمانوں کو جمعہ کی نماز پڑھنے سے ہندو تنظیموں کے ذریعے روکا جا رہا تھا، وہی کہانی آج اتر پردیش کے نوئیڈا میں بھی دہرائی گئی، جہاں خود پولیس نے سیکٹر 54 میں واقع خرگوش پارک میں نماز Namaz in Khargosh Park پڑھنے سے روک دیا۔

نوئیڈا: پولیس نے سیکڑوں لوگوں کو واپس کر دیا جو سیکٹر 54 میں واقع ریبٹ پارک میں نماز جمعہ کے لیے پہنچے تھے۔ تاہم پارک کے قریب مقبرے پر نماز ادا کی گئی۔ پولیس کا کہنا ہے کہ کھلے اور عوامی مقامات پر مذہبی سرگرمیوں کی اجازت نہیں ہے۔ چنانچہ لوگوں کو واپس بھیج دیا گیا۔

پولیس کے مطابق ریبٹ پارک کے قریب ایک مزار ہے۔ یہاں سیکٹر 57، 58، 59 وغیرہ کی فیکٹریوں میں کام کرنے والے لوگ آتے ہیں۔ آہستہ آہستہ لوگوں کی تعداد بڑھنے لگی تو مزار کے ساتھ ساتھ لوگ خرگوش پارک میں بھی نماز پڑھنے لگے۔ جمعہ کو پہنچنے والے لوگوں کو پولیس نے پارک میں نماز پڑھنے سے روک دیا اور سب کو بھگا دیا۔

پولیس کا کہنا ہے کہ ریبٹ پارک کے قریب مزار پر نماز پہلے کی طرح جاری رہے گی۔ کھلے اور عوامی مقامات پر نماز پڑھنے کی اجازت نہیں Namaz not Allowed in Public Place ہے۔ اس کے لیے مذہبی مقامات کو نشان زد کیا گیا ہے۔ نماز انہیں مقامات پر ادا کی جا سکتی ہے۔