Murder Accused Arrested in Rampur: پچاس ہزار کا انعامی بدمعاش تصادم کے بعد گرفتار

ریاست اترپردیش کے رامپور کی تحصیل بلاسپور میں مبینہ تصادم کے بعد پولیس 50 ہزار کے انعامی بدمعاش کو گرفتار کر لیا۔ ملزم پر قتل اور دیگر سنگین دفعات کے تحت مقدمہ درج ہے۔Arrested Murder Accused after Encounter in Rampur

رامپور: اترپردیش کے رامپور کے تھانہ بلاسپور علاقے میں قتل کی واردات میں فرار چل رہا ملزم اور 50 ہزار روپے کے انعامی بدمعاش کو پولیس نے مبینہ تصادم کے بعد گرفتار کر لیا۔ پولیس ذرائع سے ملی اطلاعات کے مطابق تھانہ بلاسپور پولیس نے شکار ڈھابہ کے پاس چیکنگ کے دوران رودرپور کی طرف سے ایک شخص بغیر نمبر پلیٹ کی ایک موٹر سائیکل سے آتا ہوا دیکھ کر اسے رکنے کا اشارہ کیا گیا تو وہ بلاسپور کی جانب بھاگنے لگا۔Arrested Murder Accused after Encounter in Rampur

پولیس کے مطابق انچارج انسپکٹر بلاسپور نے ملزم کا پیچھا کیا تو وہ ڈنڈیا بن میں داخل ہو گیا اور پولیس ٹیم پر فائرنگ کی۔ پولیس نے بھی گولی چلائی جس میں موٹر سائیکل سوار کے بائیں پیر میں گولی لگی، جس کے بعد پولیس نے اسے دبوچ لیا اور اس نے اپنا نام بلراج عرف ببلو ولد بلدیو سنگھ ساکن کوشل گنج تھانہ بلاسپور بتایا۔

پولیس نے ملزم کے قبضہ سے ایک طمنچہ میں چار زندہ کارتوس، دو کھوکا کارتوس 315 بور، ایک عدد موٹر سائیکل بغیر نمبر کی برآمد کرنے کا دعویٰ کیا ہے۔ زخمی ملزم کو علاج کے لیے سی ایچ سی بلاسپور میں داخل کرایا گیا۔ واضح رہے کہ گرفتار کیا گیا ملزم بلراج بلاسپور تھانہ میں درج مقدمہ میں غائب چل رہا تھا۔ اس پر قتل سمیت متعدد سنگین دفعات میں مقدمے درج ہیں۔ پولیس کی جانب سے اس پر 50 ہزار روپے کا انعام بھی رکھا گیا تھا۔