جھالاواڑ: سڑک حادثے میں ایک شخص ہلاک، 18 زخمی

زخمیوں کو علاج کے لیے ضلع ہسپتال میں داخل کرایا گیا ہے۔ ابھی تک سڑک حادثے کی وجوہات کا پتہ نہیں چل سکا ہے، پولیس نے مقدمہ درج کرکے کارروائی شروع کر دی ہے۔

ریاست راجستھان کے ضلع جھالاواڑ کے تھانہ اسناور کے جونا کھیڑا میں بس اور کار میں زبردت ٹکر ہوگئی، جس کے سبب بس 50 فٹ گہری کھائی میں جا گری۔

اس سڑک حادثے میں ایک شخص جائے واردات پر ہلاک ہوگیا ، جب کہ دیگر 18 افراد زخمی ہوگئے۔

جھالاوڑ کی قومی شاہراہ نمبر 52 پر یہ خطرناک سڑک حادثہ ہوا ہے۔

مقامی افراد نے بتایا کہ بس ریاست مدھیہ پردیش کے دارالحکومت بھوپال سے جودھ پور جا رہی تھی، جب یہ حادثہ پیش آیا۔

زخمیوں کو علاج کے لیے ضلع ہسپتال میں داخل کرایا گیا ہے۔

ابھی تک سڑک حادثے کی وجوہات کا پتہ نہیں چل سکا ہے، پولیس نے مقدمہ درج کرکے کارروائی شروع کر دی ہے۔