سمستی پور میں دودھ مرکز کے آپریٹر کا گولی مار کر قتل

سمستی پور کے وارث نگر تھانہ علاقے میں شرپسندوں نے دودھ مرکز کے آپریٹر سرویش ٹھاکر کو گولی مار کر ہلاک کردیا۔

سمستی پور: بہار کے ضلع سمستی پور کے وارث نگر تھانہ علاقے میں پیر کی صبح شرپسندوں نے دودھ مرکز کے آپریٹر سرویش ٹھاکر کو گولی مار کر ہلاک کردیا۔

پولس ذرائع نے یہاں بتایا کہ ضلع کے رہوا گاؤں کا رہائشی سرویش ٹھاکر (50) صبح اپنے دودھ کے مرکز پر کام کررہا تھا اس دوران بائیک پر سوار دو مجرم وہاں پہنچے اور اسے گولی مار کر قتل کردیا۔

ذرائع نے بتایا کہ فوری طور پر قتل کی وجہ معلوم نہیں ہوسکی۔ پولیس نے موقع سے گولی کے آٹھ کھوکھے برآمد کئے ہیں۔

فی الحال پولیس لاش کو پوسٹ مارٹم کے لیے صدر ہسپتال بھیج دیا ہے۔ اور معاملے کی جانچ شروع کردی ہے۔