مرشدآباد ضلع کے فراخا تھانہ علاقے میں پولیس اور اسپیشل آپریشن گروپ نے خفیہ اطلاع کی بنیاد پر فراخا بس اسٹینڈ پر شک کی بنیاد ایک نوجوان کی تلاشی لی اس دوران نوجوان کے بیگ سے دو لاکھ روپے کے جعلی نوٹ برآمد ہوئے جس کے بعد نوجوان کو گرفتار کر لیا گیا۔
مغربی بنگال: لاکھوں روپے کے جعلی نوٹ کے ساتھ نوجوان گرفتار
مغربی بنگال کے مرشدآباد ضلع کے فراخا تھانہ علاقے سے پولیس اور اسپیشل آپریشن گروپ نے بہار سے تعلق رکھنے والے ایک نوجوان کو لاکھوں روپے کے جعلی نوٹ کے ساتھ گرفتار کیا ہے۔
representative image
پولیس کا کہنا ہے کہ مخبر کی جانب سے جعلی نوٹوں کے اسمگلنگ کی اطلاع ملی تھی اور اسی بنا پر فراخا بس اسٹینڈ پر خصوصی تلاشی مہم چلائی گئی۔ اس مہم میں اسپیشل آپریشن گروپ (ایس او جی ) کی بھی مدد لی گئی۔
پولیس نے بتایا کہا جعلی نوٹوں کے ساتھ گرفتار نوجوان کی شناخت ستیش شرما کے طور پر ہوئی ہے اور وہ بہار سے تعلق رکھتا ہے۔ گرفتار ستیش شرما بہار کے پورنیا کا رہنے والا ہے۔ وہ مالدہ سے جعلی نوٹ لے کر فراخا آیا تھا اور وہاں سے بہار روانہ ہونے والا تھا۔