ابوجہ: نائیجیریا میں پلاٹو صوبے کے 12 سے زیادہ گاؤوں میں بندوق برداروں نے حملہ کرکے کم از کم 70 افراد کو ہلاک اور متعدد کو اغوا کر لیا ہے۔ میڈیا نے یہ رپورٹ دی ہے۔ رپورٹ کے مطابق اتوار کو ہونے والے اس حملے میں ہلاک ہونے والوں کی تعداد 70 سے 90 تک ہو سکتی ہے۔ دی انڈیپینڈنٹ ڈیلی نے صوبائی پولیس کے ترجمان اوبا گیبریل کے حوالے سے بتایا کہ مرنے والوں کی حتمی تعداد ابھی معلوم نہیں ہو سکی ہے۔
یہ بھی پڑھیں:
اطلاعات کے مطابق خواتین اور بچوں سمیت کم از کم 70 دیہی افراد کو اغوا کیا گیا ہے اور سینکڑوں مکانات کو مسمار کردیا گیا ہے۔ سینکڑوں لوگ اپنا گھر بار چھوڑ کر جنگل میں بھاگ گئے ہیں۔ اتوار کو ہونے والے اس حملے میں بندوق برداروں نے کئی گھنٹوں تک کہرام مچایا۔ لیکن سیکورٹی فورسز کو پیر کو اس کی اطلاع دی گئی۔ اہلکارو کو پلیٹو صوبے کے دارالحکومت ڈینگی اور جوز کے اسپتالوں میں زخمیوں کو پہنچانے میں ایک دن لگا۔
(یو این آئی/ اسپوتنک)
