بارہمولہ: مساجد میں چوری کے الزام میں دو گرفتار

پولیس نے کنظر بارہمولہ میں چوری کے ایک اور معاملے کو حل کرتے ہوئے مساجد میں چوری کے الزام میں دو افراد کو گرفتار کیا ہے۔

ایس ڈی پی او ٹنگمرگ اور ایس ایچ او کنظر نے بتایا کہ قصبہ کے مختلف دیہات میں مساجد سے چوری کرنے کے الزام میں دو افراد کو گرفتار کیا گیا ہے۔

انہوں نے کہا کہ ان افراد نے چوری کے دوران امام مسجد پر حملہ کرنے کی بھی کوشش کی تھی۔

ایس ڈی پی او نے کہا کہ ان افراد کے قبضے سے مسروقہ سامان بھی برآمد کیا گیا ہے جن میں جنریٹر، انورٹر، ٹرانسفارمر اور نقدی رقم وغیرہ شامل ہیں۔ گرفتار شدگان کی شناخت عبدالمجید لون اور عمران احمد میر کے طور پر ہوئی ہے۔