اداکار اعجاز خان این سی بی کی گرفت میں

بالی وڈ اداکار اعجاز خان کو نارکوٹکس کنٹرول بیورو(این سی بی) نے ڈرگس کیس میں ممبئی ایئر پورٹ سے گرفتار کیا ہے۔

بگ باس کنٹیسٹنٹ اور بالی وڈ کی متعدد فلموں میں ادارکاری کے جلوے بکھیرنے والے اعجاز خان کو ممبئی ایئر پورٹ سے گرفتار کیا ہے۔ اعجاز خان راجستھان سے ممبئی آئے تھے جہاں این سی بی نے انہیں پہلے حراست میں لیا اور پوچھ تاچھ کے بعد گرفتار کر لیا۔

اس سے قبل این سی بی نے ممبئی میں اعجاز خان کے کئی ٹھکانوں پر چھاپہ بھی مارا تھا۔

اداکار اعجاز خان نے ہندی فلموں میں رکت چرِتر، بھیندو، اللہ کے بندے، رکت چرِتر 2، سلام انڈیا جیسی فلموں میں اداکاری کی ہے۔ وہ گزشتہ کچھ وقفہ سے کسی نہ کسی وجہ سے مسلسل تنازع کے شکار ہیں۔

واضح رہے کہ دو روز قبل این سی بی نے ڈرگ پیڈلر شاداب بٹاٹا کو گرفتار کیا تھا جس کے بعد اعجاز خان کا نام سامنے آیا تھا۔