بھارت بائیو ٹیک انٹرنیشنل لمیٹیڈ (بی بی آئی ایل) نے قبل ازیں اس تجربہ کی ذمہ داری شعبہ میڈیسن کے اسسٹنٹ پروفیسر واسودیو کو دی تھی۔ تاہم اب یہ ذمہ داری سینئر پروفیسر وی کے جی ایچ کے شعبہ اطفال کے صدر پی وینو گوپال کو بی بی آئی ایل نے دی ہے۔
کووڈ 19 ٹیکے کی انسانوں پر تجربہ کرنے کی تجویز روانہ - وشاکھاپٹنم کی خبیرں
کووڈ 19 کے ٹیکہ کی تیاری میں 'انسانوں پر تجربہ' کے حصہ کے طور پر کنگ جارج اسپتال (کے جی ایچ) وشاکھا پٹنم کے حکام نے ایک مرتبہ پھر حکومت کو اس اسپتال میں انسانوں پر اس ٹیکہ کا تجربہ کرنے کی منظوری کے لئے تجاویز روانہ کی ہیں۔
covid 19
آندھرا میڈیکل کالج کے پرنسپل سدھاکر نے حال ہی میں اس سلسلہ میں مکتوب روانہ کیا اور کہا کہ وینوگوپال کو ماضی میں انسانوں پر دواؤں کے تجربہ کا وسیع تجربہ ہے۔ بیشتر اداروں بشمول بی بی آئی ایل اس اسپتال میں ٹیکہ کے انسانوں پر تجربہ کے لئے آگے آئے ہیں۔
سدھاکر نے کہا کہ متعلقہ کمپنیوں سے حاصل تجاویز پر غور کیا جائے گا اور ان کو حتمی منظوری کے لئے اس ماہ کی 20 تاریخ کو ڈی ایم ای کے دفتر بھیجا جائے گا۔ سدھاکر نے کہا کہ حکومت سے منظوری ملنے کے ساتھ ہی اس ٹیکہ کے انسانوں پر تجربہ کا آغاز کردیاجائے گا۔