اے پی حکومت نے ملازمین کو ماہ مئی سے مکمل تنخواہ دینے کا فیصلہ کیا

ریاست آندرھا پردیش (اے پی) کی حکومت نے کورونا وائرس کے چلتے معیشت کو ہو رہے نقصان کی وجہ سے ملازمین کو پچھلے دو ماہ سے نصف تنخواہ دینے کا فیصلہ کیا تھا۔

کورونا وائرس کے نتیجے میں ملازمین کو ہونے والی دشواریوں کو دور کرنے کا اے پی حکومت نے فیصلہ کیا ہے۔ جس کے چلتے اے پی حکومت نے ملازمین کو ماہ مئی سے مکمل تنخواہ دینے کا فیصلہ کیا ہے۔

حکومت کا کہنا ہے کہ لاک ڈاؤن کی وجہ سے ریاست کی معیشت ہی متاثر نہیں ہوئی بلکہ کورونا وائرس کا اثر ملک کی معیشت پر بھی پڑا ہے۔

یاد رہے کہ لاک ڈاؤن کی وجہ سے اے پی حکومت نے سرکاری ملازمین کی تنخواہوں میں کمی کا فیصلہ کیا تھا۔ گزشتہ دو ماہ سے ملازمین کو صرف نصف تنخواہ ہی دی جا رہی تھی تاہم وزیر اعلیٰ جگن نے واضح کیا کہ جلد ہی دو ماہ کے بقایہ جات پر بھی فیصلہ کیا جائے گا۔