بھارت رتن استاد بسم اللہ خان کا مکان گھریلو تنازعات کا شکار

استاد بسم اللہ خان کے گھر کی ازسر نو تعمیر کے سبب اہل خانہ کے مابین تنازعات۔

بھارت رتن استاد بسم اللہ خان کا مکان بنارس کے بنیا باغ علاقے کے ہڑہا سرائے میں واقع ہے جو اب کھنڈرات میں تبدیل ہوگیا ہے۔ جس کمرے میں بیٹھ کر کبھی استاد بسم اللہ خان شہنائی بجانے کا مشق کرتے تھے اسے اب از سرے نو تعمیر کی غرض سے منہدم کیا جارہا ہے جس کے سبب گھریلو تنازعات دیکھا جا رہا ہے۔

استاد بسم اللہ خان کے بڑے پوتے سبطین نے ای ٹی وی بھارت سے بتایا کہ جس کمرے میں استاد بسم اللہ خان شہنائی بجانے کی مشق کیا کرتے تھے وہ اب نہایت ہی خستہ حالت میں ہے یہی وجہ ہے کہ اس کو ازسرنو تعمیر کرنے کے ارادے سے منہدم کیا جارہا ہے اور اسی مقام پر بسم اللہ خان کے نام سے ایک بڑا میوزیم بنانے کا ارادہ ہے تاکہ ان کی نشانیاں باقی رہیں۔ اس دوران ان کے چھوٹے بھائی کی مخالفت کی وجہ سے گھریلو تنازعہ ہوگیا ہے، لیکن امید کی جارہی ہے کہ جلد ہی اسے سمجھا لیا جائے گا۔

انہوں نے بتایا کہ کی قدیم زمانے کا تعمیر گھر اب خستہ حال ہو چکاہے اس میں رہنا خطرے سے خالی نہیں یہاں بڑے بوڑھے بچے رہتے ہیں اور خطرات برقرار رہتا ہے اس وجہ سے گھر کو از سر نو تعمیر کرنے کا ارادہ کیا گیا ہے۔ انہوں نے بتایا کہ استاد بسم اللہ خان کا گھر اگرچہ کھنڈرات میں تبدیل ہے لیکن ان کی نسلیں ان کی وراثت کو برقرار رکھے ہوئے ہیں اور بڑے بوڑھے، بچے شہنائی بجانا سیکھ رہے ہیں۔