جونپور: کھیت سے نوزائیدہ بچے کی لاش برآمد

ریاست اتر پردیش کے ضلع جونپور میں ایک نجی نرسنگ ہوم کے قریب سرسوں کے کھیت سے نوزائیدہ بچے کی لاش ملنے سے علاقے میں سنسنی پھیل گئی جس کی اطلاع ملتے ہی آس پاس کے لوگوں کا ہجوم وہاں جمع ہوگیا۔

معلومات کے مطابق بدلا پور کوتوالی حلقہ کے رہائشی راہل سنگھ نے بتایا کہ 'نرسنگ ہوم کے قریب ہی ان کا کھیت ہے جب وہ مزدوروں کے ساتھ سرسوں کی فصل کاٹنے کے لئے اپنے کھیت میں گئے تو انہوں نے جھولے میں نوزائیدہ بچے کا پیر دیکھا جب قریب جاکر جھولا کھولا تو اس میں ایک نوزائیدہ بچے کی لاش تھی جس کے گلے میں رسی کسی ہوئی تھی۔

انہوں نے اس کی اطلاع لوگوں کو دی تو آس پاس کے لوگ دیکھنے کے لئے جمع ہو گئے۔

وہیں لوگوں کا یہ الزام بھی ہے کہ قریب میں ہی متعدد نجی نرسنگ ہوم ہے، یہ عمل انہیں کا ہو سکتا ہے۔