شعبان مہینے کی آج 29 تاریخ ہے اور رمضان المبارک کی آمد بالکل قریب ہے اس وجہ سے بنارس کے علماء نے عوام سے اپیل کیا ہے کہ آج شام کو چاند دیکھنے کا اہتمام کریں، جس سے نہ صرف وہ ثواب کے حقدار ہوں گے بلکہ کہ رویت ہلال کمیٹی کو اعلان کرنے میں بھی آسانی ہوگی۔
بنارس کے معروف عالم دین مفتی ہارون رشید نقش بندی نے ای ٹی وی بھارت سے بات کرتے ہوئے کہا کہ بنارس میں رویت ہلال کمیٹی موجود ہے، کمیٹی کے سبھی اراکین چاند دیکھیں گے اور لوگوں سے اپیل کر رہے ہیں کہ آج چاند دیکھنے کا اہتمام کریں اگر چاند نظر آیا تو وہ اپنا بیان بنارس رویت ہلال کمیٹی میں درج کرائیں جس چاند کے اعلان کرنے میں آسانی ہوگی۔
انہوں نے کہا کہ کمیٹی کی میٹنگ نئی سڑک پر واقع لنگڑے حافظ جی والی مسجد میں منعقد ہوتی ہے، کمیٹی کے سبھی اراکین غور و خوض کرتے ہیں اگر چاند کے رویت سے متعلق کوئی شرعی شہادت ملتی ہے تو چاند کا اعلان کیا جائے گا اور اگر چاند نظر نہیں آیا اور نہ ہی شرعی شہادت ملی تو پھر 30 شعبان کو چاند دیکھنے کا اہتمام کریں۔
