بنارس سے اجمیرشریف کے لیے ترنگا چادر روانہ

وارانسی کینٹ ریلوے اسٹیشن سے راشٹریہ سدبھاونا مشن یاترا کا آغاز ہوا۔ اس یاترا میں شامل افراد ترنگا چادر کو مختلف درگاہوں و مندروں سے گزار کر حضرت خواجہ معین الدین چشتی اجیمری کی درگاہ پر پیش کیا جائے گا۔

اترپردیش کے ضلع بنارس سے راشٹریہ بنکر ایکشن کمیٹی کے زیر اہتمام سرفراز احمد کی قیادت میں سدبھاونا مشن یاترا کا آغاز ہوا۔ اس یاترا میں شامل افراد دہلی میں محبوب الہی حضرت خواجہ نظام الدین کے مزار پر خراج عقیدت پیش کریں گے۔

یاترا کے تحت ایک ترنگا چادر کومختلف مزاروں اور مندروں سے گزارتے ہوئے اجمیر شریف میں پیش کر کے ملک میں امن و شانتی کی دعا کریں گے'۔

سرفراز احمد نے ای ٹی وی بھارت کے نمائندہ سے بتایا کہ' یہ یاترا گذشتہ چھبیس برس سے جاری ہے۔ ہر برس پورے اہتمام کے ساتھ یہ یاترا نکالی جا رہی ہے۔ یاترا میں سبھی مذاہب کے لوگ شامل ہوتے ہیں۔ اس کا مقصد ملک میں گنگا جمنی تہذیب کو پائیدار بنانا اور قومی یکجہتی کو فروغ دینا ہے۔