کورونا وائرس کے سبب مرغ کاروباریوں کو کافی خسارہ

عالمی ادارہ صحت کی جانب سے کورونا وائرس کو عالمی وبا قرار دئے جانے کے بعد لوگوں میں خوف و ہراس کا ماحول دیکھا جا رہا ہے۔ اس وائرس کے خوف سے دیگر کاروباریوں کے ساتھ ساتھ مرغ کاروباری کو کافی خسارہ کا سامنا کرنا پڑ رہا ہے۔

ریاست اترپردیش کے ضلع بجنور کے تھانہ منڈوالی میں ہفتہ واری مرغ بازار میں کورونا وائرس کے خوف سے مرغ کی قیمتوں میں کافی گراوٹ دیکھنے کو مل رہی ہے وہیں دوسری جانب لوگوں کی ایک بڑی تعداد مرغ کا گوشت خریدنے کے لیے بازار میں ٹوٹی پڑ رہی ہے۔

مرغ کاروباری کافی سستی قیمت پر مرغ کا گوشت فروخت کرنے پرمجبور ہیں، جسکی وجہ سے انہیں کافی نقصان بھی اٹھانا پڑ رہا ہے۔

بازار میں افراتفری مچی ہوئی ہے۔ دکانداروں کا کہنا ہے کہ مرغ کی قیمت 60 - 70 روپے فی کلو گرام ہونے کے وجہ سے لوگ بڑی تعداد میں مرغ کے گوشت خرید رہے ہیں۔