بنارس: اس سال بھی لگے گی بکرا منڈی، مسلمانوں کی تشویش دور

بنارس کے بنیا باغ کے میدان میں جس جگہ بکرا منڈی لگائی جاتی ہے وہ فٹ بال کا میدان ہے اور یہ میدان بنارس اسپورٹنگ کلب کے زیر نگرانی ہے جہاں کلب کی جانب سے بچوں کو فٹ بال کی تربیت دی جاتی ہے۔

ریاست اترپردیش کے معروف شہر بنارس میں عید الاضحی کے موقع پر اس بار پھر بکرا منڈی لگائی جائے گی، واضح ہو کہ بنارس وزیر اعظم نریندر مودی کا پارلیمانی حلقہ ہے۔
سنہ 2014 کے بعد مودی حکومت نے شہر کے پارکوں میں تزئین کاری کا کام شروع کیا تھا اور اس کو اسمارٹ سٹی بنانے کا وعدہ کیا تھا اسی سلسلے میں بنیا باغ کے میدان میں بھی تنظیم و آرائش کا کام شروع ہو گیا ہے جس سے یہ خوف پیدا ہوا کہ شاید نگر نگم کی جانب سے اس سال بکرامنڈی یہاں لگانے کی اجازت نہ دی جائے لیکن ایسا نہیں ہوا اور اس سال بھی اجازت مل گئی۔

اس سلسلے میں جب کلب کے ذمہ دار رانا انور سے گفتگو کی گئی تو انھوں نے بتایا یا کہ ہم لوگ پوری کوشش کرتے ہیں کہ بکرا منڈی یہاں لگے اور گراؤنڈ کو بھی کسی طرح کا نقصان نہ پہنچے اس لئے گراؤنڈ کے چاروں طرف بیری کیڈنگ کی جاتی ہے اور منڈی اس کے چاروں طرف باہری حصے میں لگائی جاتی ہے۔انہوں نے کہا یہاں پر منڈی لگانے کا مقصد یہ ہے کہ عوام کو شہر کے اندر ہی قربانی کے لیے بکرے مہیا ہو سکیں اور ان کو پریشان نہ ہونا پڑے۔

یہاں اس بات کی وضاحت ضروری ہے کہ قربانی کے لیے بکروں کی تلاش اس منڈی میں آکر ختم ہوجاتی ہے کیوں کہ یہاں ہر قسم کے بکرے مہیا ہیں۔ مقامی مسلمانوں کے لیے یہ منڈی کافی اہم ہے ۔

انہوں نے اطمینان بھی دلایا کیا کہ آئندہ برسوں میں بھی بکرا منڈی ان شاءاللہ یہیں پر لگائی جائے گی۔

ملک بھر میں عیدالاضحیٰ 12 اگست کو منائی جائےگی۔