کاشی ودیاپیٹھ یونیورسٹی کی جانب سےگاندھی جی کوخراج تحسین

ضلع وارانسی میں مہاتما گاندھی کے یوم شہادت کے موقع پرمہاتما گاندھی کاشی ودیاپیٹھ یونیورسٹی کی جانب سے بابائے قوم مہاتما گاندھی کو خراج تحسین پیش کیا گیا۔ اس موقع پر اساتذہ، اورطلباء کی بڑی تعداد موجودرہی۔

ریاست اتر پردیش کے ضلع وارانسی میں مہاتما گاندھی کے یوم شہادت کے موقع پر فیکلٹی آف ہیومنٹی اور مہاتما گاندھی کاشی ودیاپیٹھ یونیورسٹی کی جانب سے بابائے قوم مہاتما گاندھی کو خراج تحسین پیش کیا گیا۔ اس موقع پر اساتذہ، عملہ اور طلباء کی بڑی تعداد موجود رہی۔

گاندھی جی نے سنہ 1934میں 26 جولائی تا 2 اگست تک آل انڈیا کانگریس اور ہریجن یونین اجلاس کے موقع پر اس جگہ ایک یونیورسٹی کی بنیاد رکھی، اور یونیورسٹی کے طلباء سے حصول آزادی کے لیے جد جہد پر ولولہ انگیز خطاب کے ذریعے شرکت کرنے کی اپیل بھی کی۔

اس موقعے پر یونیورسٹی کے ایک طالب علم نے گاندھی جی کے نظریات کو اجاگر کرتے ہوئے کہا کہ ' گاندھی جی کی تعلیمات کو اپنا کر ہی آج کا انسان اپنا مقصد حاصل کرسکتا ہے۔ سچائی، محبت اور عدم تشدد جیسے نظریات ہی انسان کو منظم اور کامیاب بنا سکتے ہیں۔ تاکہ قوم کی فلاح و بہبود ممکن ہو۔'

یونیورسٹی انتظامیہ نے گاندھی کی مختلف تصاویر کی نمائش کر طلباء و اساتذہ کو گاندھی جی کی جد وجہد سے واقف کروایا۔