شادی کی سالگرہ پر خون کا عطیہ

کانگریس رہنما اور سابق وزیر اجے رائے کی اہلیہ رانی رائے نے آج اپنی شادی کی 24ویں سالگرہ کے موقع پر عوام کے لیے خون عطیہ کرکے جشن منایا۔

ریاست اترپردیش کے بنارس شہر میں کانگریس رہنما اور سابق وزیر اجے رائے نے آج اپنی شادی کی 24 ویں سالگرہ کو انوکھے انداز میں منایا، جو نہ صرف عوام کے لیے ایک خاص پیغام ہے بلکہ کہ ان مریضوں کے لیے بڑی خوشخبری ہے جن کو خون کی ضرورت ہے۔

سابق وزیر اجے رائے نے کہا کہ آج ہم شادی کی 24ویں سالگرہ منا رہے ہیں، اس موقع پر پورے ملک میں کورونا کی خوف ناک صورت حال ہے لوگ کورونا کے خوف میں زندگی گزار رہے ہیں، بے شمار لوگوں کی ہلاکتیں ہو رہی ہیں ہر طرف نفسی نفسا کا عالم ہے، ایسے میں طبی سہولتوں کا فقدان بڑے پیمانے پر سامنے آ رہا ہے بلڈ بینک کی کمی خون کی کمی ہے لوگ پلازمہ کے لیے سوشل میڈیا سے لے کرکے اعزا و اقرباء تک مدد کے لیے گوہار لگا رہے ہیں۔

ایسی صورتحال میں ہم لوگوں نے شادی کی سالگرہ نہ کیک کاٹ کر منایا اور نہ ہی کوئی جشن یا پروگرام منعقد کرکے منایا بلکہ کی شادی کی 25 ویں سالگرہ عوام کے لیے وقف کیا ہے اور ہماری اہلیہ رانی رائے نے عوام کے لیے خون عطیہ کر کے یہ پیغام دیا ہے کہ جو بھی سماجی کارکن ہے یا جو بھی صحت مند ہیں وہ آگے آئیں اور ضرورت مندوں کی مدد کریں۔

ان کی اہلیہ رانی رائے نے کہا کہ اپنی شادی کی سالگرہ کے موقع پر خون عطیہ کرنے پر فخر محسوس ہو رہا ہے، انہوں نے عوام سے بھی اپیل کیا کہ جو بھی صحت مند ہیں وہ ضرورت مندوں کی مدد کے لیے سامنے آئیں۔