بنارس ہندو یونیورسٹی کے سر سندرلال ہسپتال کے کووڈ19 وارڈ کی چوتھی منزل سے کود کر ایک کورونا مریض نے خودکشی کرلی ہے۔
واقعے کی اطلاع ملنے کے بعد پولیس موقعے پر پہنچی اور لاش کو قبضے میں لینے کے بعد پوسٹ مارٹم کے لیے بھیجا دیا ہے۔
بتایا جاتا ہے کہ 16 اگست سے ایک نوجوان کا علاج ہسپتال کے ایمرجنسی وارڈ میں کیا جا رہا تھا 22 اگست کو نوجوان کی رپورٹ کورونا مثبت پائی گئی رپورٹ آنے کے بعد نوجوان کو کووڈ19 اسپتال میں منتقل کیا گیا گزشتہ رات نوجوان نے اسپتال کے چوتھی منزل سے کود کر خودکشی کرلی ہے۔
نوجوان کے اہل خانہ نے لاپرواہی کا الزام عائد کرتے ہوئے کہا ہے کہ 'علاج میں لاپرواہی سے پریشان ہو کر نوجوان نے ایسا قدم اٹھایا ہے، دیر شب نوجوان کے موت کی اطلاع اہل خانہ کو دی گئی جس کے بعد جو ان کے اہل خانہ میں ماتم کی لہر چھا گئی، نوجوان کے اہل خانہ اس سلسلے میں ہسپتال انتظامیہ سے بھی شکایت کریں گے تاکہ کہ مجرم ڈاکٹرز و ملازم کے خلاف کارروائی ہو سکے۔
واضح رہے کہ شمالی اترپردیش کا ایمس کہے جانے والے بی ایچ یو میں اس نوعیت کا نیا واقعہ نہیں ہے اس سے قبل بھی کورونا مریضوں کے ساتھ متعدد لاپرواہی سامنے آچکی ہیں، گزشتہ رات ایک کورونا وائرس سے متاثر مریض ہسپتال کے کووڈ19 وارڈ سے فرار ہوچکا ہے۔
کچھ دن قبل لاشوں کو ادلا بدلی کا بھی معاملہ سامنے آیا تھا، اس سے قبل ایک شخص کا آڈیو وائرل ہوا تھا جس میں وہ ہسپتال کی لاپرواہی کے بارے میں بتا رہا تھا، اس طررح کا ایک وڈیو بھی سوشل میڈیا پر وائرل ہوا تھا جس میں ایک خاتون مریض کو گھنٹوں تک اسپتال کے باہر انتظار کرنا پڑا تھا۔
