بنارس: کورونا وائرس سے آج چوتھی موت

بھارتی ریاست اتر پردیش کے ضلع بنارس میں کورونا وائرس سے متاثرہ مریضوں کی تعداد میں مسلسل اضافہ ہورہا ہے۔ مریضوں کی مجموعی تعداد 96 ہے ان میں سے 65 افراد صحت یاب ہو چکے ہیں جبکہ آج مرنے والوں کی تعداد چار ہوگئی ہے۔

سی ایم او ڈاکٹر وی پی سنگھ نے اس بات کی تصدیق کرتے ہوئے کہا کہ مرنے والے کی عمر 80 برس تھی یہ بنارس ہندو یونیورسٹی میں آیوروید شعبے کے سبکدوش پروفیسر تھے اور یہ بنارس کے شیوالہ کے رہائشی ہیں۔ ان کی 15 مئی کو کورونا مثبت رپورٹ آئی تھی، جس کے بعد ان کو علاج کے لیے بی ایچ یو میں داخل کیا گیا لیکن آج ان کی موت ہوگئی۔

واضح رہے کہ بنارس میں رواں ہفتہ تین افراد کی کورونا وائرس کی وجہ سے موت ہوچکی ہے۔