سماجی فاصلے پر عمل نہ کرنے پر تنخواہ روکنے کی ہدایت

ریاست مدھیہ پردیش کے اجین میں ضلع انتظامیہ نے سماجی فاصلے پر عمل نہ کرنے پر ضلع کوآپریٹو مرکزی بینک کے برانچ منیجر کی تنخواہ روکنے کی ہدایت دی ہے۔

مدھیہ پردیش کے اجین میں ضلع انتظامیہ نے شہر کی ایک ضلع کوآپریٹو مرکزی بینک میں سماجی فاصلے کے اصولوں پر عمل نہ کرنے پر برانچ منیجر کی سات دن کی تنخواہ روکنے کی ہدایت دی ہے۔

سرکاری اطلاع کے مطابق کلکٹر آشیش سنگھ نے اس معاملے میں شکایت موصول ہونے پر تحقیقات کی ہدایت دی۔

تحقیقات میں معاملہ صحیح پائے جانے پر ڈسٹرکٹ کوآپریٹو مرکزی بینک کی شاخ چمن گنج منڈی میں تعینات برانچ منیجر کی سات دن کی تنخواہ روکنے کی ہدایت دی گئی ہے۔ ساتھ ساتھ اس طرح کے واقعے کی تکرار نہ ہونے کے لئے خبردار کیا گیا ہے۔