اجین میں کورونا وائرس کے 13 نئے معاملے

مدھیہ پردیش کے ضلع اجین میں کورونا وائرس سے 74 افراد ہلاک ہو چکے ہیں۔

مدھیہ پردیش کے ضلع اجین میں کورونا وائرس کے 13 نئے کیسز سامنے آنے کے بعد متاثرین کی تعداد بڑھ کر 1237 ہوگئی ہے جبکہ ان میں سے 1024 افراد صحت یاب ہو کر اپنے گھر جا چکے ہیں۔

چیف میڈیکل اینڈ ہیلتھ آفیسر کی جانب سے گذشتہ رات جاری کردہ ہیلتھ بلیٹن میں بتایا گیا کہ گذشتہ 24 گھنٹوں کے دوران موصول ہوئے 722 نمونوں میں سے 13 کورونا مثبت پائے گئے ہیں۔

ان میں اجین کے 8 اور بڈنگر کے 3، تحصیل ناگدا اور ترانہ کے ایک ایک مریض شامل ہیں۔ اس طرح ضلع میں اب تک 1237 کورونا مثبت معاملے سامنے آئے ہیں۔

اس عالمی وبا کی وجہ سے اب تک ضلع میں 74 ہلاکتیں ہوچکی ہیں۔ اس وقت 153 مریض اسپتال میں زیر علاج ہیں۔ ضلع میں اب تک 49 ہزار 721 افراد کے نمونے لئے جا چکے ہیں۔