ادھم پور: سڑک پر تارکول بچھانے کا مطالبہ

خواتین نے بتایا کہ ان کے علاقے میں سڑک کو پکا نہ کیے جانے کی وجہ سے گاؤں ترقی نہیں کررہا ہے۔

شہر کے ساتھ لگے ہوئے رٹھیانہ پنچایت کے جوجڑا علاقے میں سڑک پر تارکول ڈالنے کے مطالبے کے تعلق سے خواتین کا ایک گروپ ڈی سی کے دفتر پہنچا اور میمورنڈم سونپ کر اپنی پریشانی بتائی۔

خواتین نے بتایا کہ ان کے علاقے میں سڑک کو پکا نہ کیے جانے کی وجہ سے گاؤں ترقی نہیں کررہا ہے۔ اس کی وجہ سے غریب و درمیانہ طبقے کے خاندان پریشان ہیں۔

شکنتلا دیوی کی قیادت میں دوپہر کے وقت خواتین ڈی سی دفتر پہنچیں۔ انہوں نے بتایا کہ گاؤں میں کئی برس قبل سڑک کی تعمیر کی گئی۔ لیکن آج تک اسے پکا نہیں کیا گیا ہے۔ سڑک پر محض کنکر ڈالا گیا۔ موجودہ وقت میں سڑک پوری طرح سے بدحال ہوچکی ہے۔ حکومت کی جانب سے سڑک تو تیار کی گئی، لیکن آج تک اس پر تارکول نہیں ڈالا گیا ہے۔ مطالبہ ہے کہ سڑک کو بہتر کیا جائے۔