اودھم پور میں سڑک حادثہ، 25 زخمی

اودھم پور ضلع کے بارٹا گاؤں کے قریب آج صبح ایک سڑک حادثہ پیش آیا جس میں منی بس کے سڑک پر پلٹنے سے 25 سے زیادہ افراد زخمی ہوگئے ہیں۔

زخمیوں کی چیخ سن کر گاوں اور آس پاس کے لوگ پہنچ گئے جنہیں ڈسٹرکٹ ہسپتال ادھم پور میں علاج کے لئے داخل کرایا گیا ہے۔
پولیس بھی جائے حادثہ پرپہنچ گئی ہے۔

اسی دوران ایک شدید زخمی شخص کو ابتدائی طبی امداد کے بعد جی ایم سی جموں منتقل کردیا گیا ہے۔زخمی یاتری نے بتایا کہ بس میں اور بھی زیادہ لوگ موجود تھے جو حادثے کا نشانہ بنے۔ادھم پور پولیس نے اس حادثے کی تحقیقات شروع کردی ہے۔