ادھمپور میں دو چور گرفتار

رامبن ضلع کی تحصیل بٹوت کے رہائشی پون کمار ولد کرتار چند نے گاڑی چوری کی رپورٹ ادھمپور پولیس اسٹیشن میں کرائی تھی۔ جس کے بعد ادھم پور پولیس نے کچھ مشکوک افراد کی نشاندہی کی، ان مشتبہ افراد سے پوچھ گچھ میں دو نے اپنا جرم قبول کرلیا۔ پولیس نے مذکورہ چوری شدہ گاڑی برآمد کرلی ہے۔

پون کمار ولد کرتار چند جو کہ رامبن ضلع کی تحصیل بٹوت کے سناسر کے رہنے والے ہیں، انہوں نے ادھم پور پولیس اسٹیشن میں رپورٹ درج کرائی تھی کہ ادھم پور سٹی انڈسٹریل اسٹیٹ ایریا میں نامعلوم بدمعاشوں نے ان کی گاڑی نمبر JK19/3606 چوری کرلی۔

پولیس نے مقدمہ درج کرکے تفتیش شروع کردی۔ ایس ایچ او چمن گورکھا کی نگرانی میں پولیس نے چوروں اور گاڑیوں کی تلاش کے لیے مختلف مقامات پر چھاپے مارے۔

اس چھاپے کے دوران ادھم پور پولیس نے کچھ مشکوک افراد کی نشاندہی کی، ان مشتبہ افراد سے پوچھ گچھ میں دو نے اپنا جرم قبول کرلیا۔

ملزمان کی شناخت راکیش کمار ساکن چالان تالاب ادھم پور اور انل شرما ساکن ادھمپور ریلوے اسٹیشن کے طور پر کی گئی۔

پولیس پارٹی نے مذکورہ چوری شدہ گاڑی برآمد کرلی ہے۔