سرکاری اسکیموں سے محروم مزدوروں کا مظاہرہ

'شادیوں میں ان کی بچیوں کو 25000 روپے ملتا تھا لیکن اب وہ بھی نہیں مل رہا ہے جس کے سبب مزدوروں کو مختلف مشکلات کا سامنا کرنا پڑ رہا ہے'

ریاست جموں و کشمیر کے ضلع ادھم پور میں آج ایم ایچ چوک پر 'مزدور دستکار یونین' کی جانب سے اپنے مطالبات کو لے کر حکومت کے خلاف مظاہرہ کیا گیا۔ اس مظاہرہ میں مرد و خواتین نے کثیر تعداد میں شرکت کی۔

اس موقع پر مزدور دستکار یونین کے ضلعی صدر درشن کمار نے کہا کہ مزدوروں کو سرکاری اسکیموں کا فاءدہ نہ ملنے کے خلاف کءی مرتبہ احتجاج کیا گیا لیکن حکومت انکے مطالبات کو پورا نہیں کر رہی ہے۔

انہوں نے مزید کہا کہ 2016 سے آج تک مزدوروں کو کسی بھی سرکاری اسکیم کا فاءدہ نہیں مل رہا ہے اور نہ ہی انکے بچوں کو سرکاری اسکالرشپ مل رہی ہے۔

انہوں کہا کہ شادیوں میں انکی بچیوں کو 25000 روپے ملتا تھا لیکن اب وہ بھی نہیں مل رہا ہے جس کے سبب مزدوروں کو مختلف مشکلات کا سامنا کرنا پڑ رہا ہے۔

انہوں ریاستی گورنر ستیہ پال ملک سے اپیل کی ہے کہ جلد از جلد انکے مطالبات کو پورا کیا جاءے جس کے ذریعہ ایک مزدور اپنے خاندان کی اچھی پرورش کر سکے۔