ادھمپور: حکومت کے خلاف جل شکتی ملازمین کا احتجاج

گزشتہ برس نومبر میں محکمہ جل شکتی کے ملازمین ملازمت چھوڑ کر تین ماہ سے ہڑتال پر تھے لیکن حکومت کی یقین دہانی کے بعد انہوں نے ہڑتال 15 جنوری 2021 تک ملتوی کردیا تھا۔ لیکن آج پھر سے ملازمین نے احتجاج شروع کر دیا ہے۔

مرکز کے زیر انتظام جموں و کشمیر کے ادھمپور میں جل شکتی محکمہ کے کارکنان اور مزدور یونین نے اپنے مطالبات کو لے کر ایک بار پھر مظاہرہ شروع کردیا ہے۔

دراصل گزشتہ برس نومبر میں محکمہ جل شکتی کے ملازمین ملازمت چھوڑ کر تین ماہ سے ہڑتال پر تھے لیکن حکومت کی یقین دہانی کے بعد انہوں نے ہڑتال 15 جنوری 2021 تک ملتوی کردیا تھا۔ لیکن آج پھر سے ملازمین نے احتجاج شروع کر دیا ہے۔

ان کا کہنا ہے کہ حکومت ان کے مطالبات پر کوئی توجہ نہیں دے رہی ہے۔

احتجاج کرنے والے ملازمین نے کہا کہ اگر ان کے مطالبات تسلیم نہیں ہوئے تو وہ 15 جنوری کے بعد ایک بار پھر احتجاج شروع کریں گے اور کام کرنا بند کردیں گے۔

انہوں نے جموں و کشمیر کے گورنر سے اپیل کی ہے کہ وہ ان مطالبات کو پورا کریں جن میں ملازمین کے ریگولیشن جیسے بڑے مسائل ہیں۔