Dead Body Found in Udhampur: ادھم پور میں لاپتہ شخص کی لاش برآمد

ضلع ادھم پور میں دودھر نالے سے ایک مشتبہ حالت میں لاش برآمد ہوئی جس کی شناخت رمیش کمار (35) ولد کیشو رام ساکنہ ہنسا کٹرا کے طور پر کی گئی ہے۔ Dead Body Found in Udhampur

ادھم پور: جموں و کشمیر کے ضلع ادھم پور میں دودھر نالہ سے مشتبہ حالات میں ایک شخص کی لاش برآمد ہوئی۔ پولیس نے موقع پر پہنچ کر لاش کو قبضے میں لے کر پوسٹ مارٹم کے لیے ضلع اسپتال بھیج دیا۔ پوسٹ مارٹم کے بعد لاش لواحقین کے حوالے کر دی گئی۔ Dead body of missing person found in Udhampur

متوفی کی شناخت رمیش کمار (35) ولد کیشو رام ساکنہ ہنسا کٹرا کے طور پر کی گئی ہے۔ معلومات کے مطابق جب پولیس نے لاش برآمد کی تو اس کی شناخت نہیں ہوسکی۔ لیکن بعد میں اس کی شناخت رحیمبل کے علاقے میں رہنے والے متوفی کے رشتہ داروں نے کی۔

انہوں نے بتایا کہ 'متوفی رمیش کمار اس کے ساتھ رہنے آیا تھا اور تقریباً چار دن پہلے گھر واپس چلا گیا تھا۔ لیکن وہ گھر نہیں پہنچا۔ تب سے وہ اس کی تلاش میں تھے اور آج اس کی لاش برآمد ہوئی ہے۔ انہوں نے کہا کہ 'رمیش کمار معذور اور بے روزگار تھا اور کبھی گھر پر رہتا تھا یا کبھی رشتہ داروں کے یہاں جاکر رہتا تھا۔'