ادھمپور: سڑک حادثہ میں ڈی ڈی سی چیئرمین کے بیٹے کی موت

جموں و کشمیر کے ضلع ادھمپور کے ڈی ڈی سی کے صدر لال چند بھگت کے فرزند وکی کی سورسر مانسر علاقہ میں پیش آئے سڑک حادثہ میں موت ہوگئی۔

یہ حادثہ مذکورہ علاقہ کے جیتھلی مقام کے پاس گذشتہ شب ساڑھے دس بجے پیش آیا۔ اس سڑک حادثہ میں وکی کی موت جبکہ دو دیگر کے زخمی ہونے کی اطلا ع ہے۔

پولیس کے مطابق گذشتہ شب تین دوست ادھمپور سے جموں کی طرف جارہے تھے۔ رات تقریبا ساڑھے دس بجے گاڑی پر کنٹرول کھو دینے کے سبب گاڑی گہری کھائی میں گر گئی۔

اس حادثہ میں وکی کی موقع پر ہی موت ہوگئی جبکہ اس کے دو ساتھی شدید طور پر زخمی ہوگئے۔ پولیس نے موقع پر پہنچ کر زخمیوں کو علاج کے لئے پی ایچ سی سینٹر پہنچایا۔