ادھم پور میں بیڈ منٹن ٹورنامنٹ کا انعقاد

جموں و کشمیر کے ضلع ادھم پور میں لڑکے اور لڑکیوں کا 3 روزہ بیڈ منٹن ٹورنامنٹ کا انعقاد منی اسٹیڈیم کے انڈور بیڈ منٹن ہال میں کیا گیا۔

یہ ٹورنامنٹ ضلع بیڈ منٹن ایسوسی ایشن کے ذریعہ کیا گیا۔ اس موقع پر یوتھ اینڈ اسپورٹس آفیسر سورن سنگھ مہمان خصوصی تھے۔

اس ٹورنامنٹ میں ضلع ادھم پور کے 19 برس سے کم عمر کے 100 سے زیادہ کھلاڑی حصہ لیں گے اور اس ٹورنامنٹ کے فاتحین کا انتخاب ریاستی سطح کے بیڈ منٹن ٹورنامنٹ کے لیے کیا جائے گا۔

اس موقع پر بیڈمنٹن ایسوسی ایشن کے جنرل سکریٹری رام ورما نے خطاب کرتے ہوئے کہا کہ 'معاشرے سے منشیات کی مہلک برائی کو دور کرنے کے لیے اس ٹورنامنٹ کا اہتمام کیا گیا ہے۔