معذوروں میں سامان مفت تقسیم

ریاست جموں کشمیر کے ضلع ادھم پور کے ایک نجی پیلیس میں ایک کمپنی اور محکمہ سماجی فلاح و بہبود کی جانب سے معذوروں میں مفت سامان تقسیم کرنے کے لیے ایک پروگرام کا انعقاد کیا گيا۔

یہ پروگرام مرکزی حکومت کی جانب سے چلائے جا رہے منصوبے بایو شری کے تحت منعقد کیا گیا۔

اس پروگرام میں تقریبا 20 غریب معذوروں کو مفت میں سامان تقسیم کیا گیا۔ لوگوں کو ویل چیئر، سننے والی مشین، چھڑی، آنکھ کے چشمے وغیرہ تقسیم کیے گئے۔

محکمہ سماجی فلاح و بہبود کی جانب سے وقتا فوقتاً اس طرح کے پروگرام منعقد کیے جاتے ہیں، تاکہ ضرورت مند لوگوں کو اس کا فائدہ مل سکے۔

مقامی لوگوں نے معذور لوگوں کے لیے اس طرح کے پروگرام منعقد کرنے کی ستائش کی ہے۔