جموں و کشمیر کے گورنر کے مشیر بشیر احمد خان نے آج ادھمپور کا دورہ کیا۔ انہوں نے شہر کے متعدد سماجی و غیر سماجی تنظیموں کے ساتھ ترقیاتی کاموں کے حوالے سے میٹنگ کی گئی۔ کورونا دور میں ضلع انتظامیہ، پولیس انتظامیہ و تمام طبقے کے لوگوں کی جانب سے کئے گئے کام کی تعریف کی گئی۔
ادھم پور کے مسائل سے متعلق متعدد این جی اوز اور عوامی نمائندوں نے صلاح کار سے ملاقات کی اور ان کے سامنے ضلع کے درپیش مسائل پر گفتگو کی۔ اس دوران ادھم پور کے صنعتی اسٹیٹ کو فروغ دینے کے حوالے سے بھی بات چیت کی تاکہ بے روزگار نوجوان کو روزگار کے مواقع فراہم کیے جاسکیں۔
مزید پڑھیں:ادھم پور: گیس سلینڈر پھٹنے سے 9 افراد زخمی
اس موقع پر ادھم پور چنیتی قومی شاہراہ کی سڑک کی حالت جلد از جلد ٹھیک کرنے کی بات کی گئی کیونکہ اس سڑک کے خراب ہونے کی وجہ سے روز بروز سڑک حادثات پیش آتے ہیں اور لوگوں کو اپنی جان گنوانی پڑتی ہے۔
ساتھ ہی ٹریڈ یونینوں نے بھی مشیر سے ملاقات کر یہاں تجارت بڑھانے کی بات کی ہے۔ ضلع ادھم پور میں بجلی کی فراہمی کے بہت سارے مسائل ہیں۔اس سلسلے میں بھی انہوں نے بات کی اور ساتھ میں سیاحت کو فروغ دینے کے طریقہ کار پر بھی غور کیا گیا۔
مشیر نے ان لوگوں کی بہت تعریف کی جنہوں نے کورونا دور میں بہت سارے قابل ستائش کام کیے ہیں، جن میں ضلعی انتظامیہ ، پولیس انتظامیہ یا مختلف تنظیموں نے لوگوں کی ہر ممکن مدد کی ہے۔
