ادھمپور: ریت سے بھرا ٹپر کھائی میں جاگرا، 4 زخمی

ادھمپور کے گورڈی کی جانب رواں دواں ریت سے بھرا ٹپر راستے میں توازن کھونے کے سبب کھائی میں جاگرا، جس میں سوار 4 افراد شدید زخمی ہوئے ہیں۔ تمام زخمیوں کو جی ایم سی جموں میں داخل کرایا گیا ہے۔

جموں و کشمیر کے ضلع ادھمپور کے بلاک گھورڈی کے نالہ ملیا میں ایک ٹپر JK02CQ/4079جاگرا، ٹپر میں سوار 4 افراد شدید طور پر زخمی ہوئے ہیں، جنہیں ضلع ہسپتال ادھمپور لایا گیا تھا، تاہم حالت نازک ہونے کے سبب انہیں جی ایم سی جموں منتقل کیا گیا۔

ذرائع کے مطابق ریت سے بھرا یہ ٹپر گورڈی کی جانب رواں دواں تھا، تاہم راستے میں توازن کھونے کے سبب یہ ٹپر کھائی میں جاگرا، جس میں سوار 4 افراد شدید زخمی ہوئے ہیں۔

لوگوں کے مطابق یہ سڑک کافی خراب ہے اور آئے دن یہاں حادثات ہوتے رہتے ہیں، رات کی وجہ سے ڈرائیور کو راستے کا پتہ ہی نہیں چل سکا اور ٹپر گہری کھائی میں جاگرا۔ تمام زخمی علاج کی غرض سے ہسپتال میں بھرتی کرائے گئے ہیں، ساتھ ہی پولیس نے موقع پر پہنچ کر معاملہ درج کرکے کارروائی شروع کردی ہے۔