کرناٹک: کانگریس رہنما کے تعلیمی اداروں پر آئی ٹی کے چھاپے

کرناٹک کے سابق نائب وزیر اعلی اور کانگریس رہنما جی پرمیشورا کے تعلیمی اداروں پر  جمعرات کے روز انکم ٹیکس ڈپارٹمنٹ نے چھاپے کیے۔

تمکورو علاقہ میں تقریباً 30 مقامات پر چھاپہ مار کاروائی کی گئی۔
بتایا گیا کہ آئی ٹی نے میڈیکل کالج و دیگر تعلیمی اداروں میں بے قاعدگیوں کی خبر پر یہ کاروائی کی ہے۔
انکم ٹیکس کے چھاپوں پر جی پرمیشورا نے رد عمل دیتے ہوئے کہا کہ انھیں کوئی مسئلہ نہیں ہے اور نہ ہی وہ پریشان ہیں، انھیں اپنا کام کرنے دیں، انھوں نے مزید کہا کہ اگر کوئی غلطی پائی جاتی ہے تو وہ اصلاح کے لیے تیار ہیں۔