Good Governance Index: گڈ گورننس انڈیکس میں جنوبی ریاستوں میں کیرالہ پہلے نمبر پر

کیرالہ کے گورنرعارف محمد خان نے بدھ کو ریاست میں بائیں بازو کی حکومت کی تعریف کرتے ہوئے کہا کہ گڈ گورننس انڈیکس Good Governance Index (جی جی آئی) میں کیرالہ ملک میں پانچویں اور جنوبی ریاستوں میں پہلے نمبر پر ہے۔

کیرالہ کے سنٹرل اسٹیڈیم میں قومی پرچم لہرانے کے بعد اپنے خطاب میں گورنر عارف محمد خان نے کہا کہ کیرالہ کی تقریباً 80 فیصد آبادی کو کوور کرنے والی سب سے موثر ٹیکہ کاری مہم کے لیے قومی سطح پر سراہا گیا ہے۔ Good Governance Index

انہوں نے کہا کہ کووڈ وبا کی تیسری لہر کا بہادری سے مقابلہ کرتے ہوئے پنارائی وجین کی قیادت والی حکومت نے مسلسل چوتھے سال صحت کے انڈیکٹرس پر ریاستوں کی نیتی آیوگ کی درجہ بندی میں سرفہرست مقام حاصل کرلیا ہے۔

انہوں نے کہا کہ جہیز کے لیے ہراسانی اور خواتین کے خلاف تشدد سے متعلق مقدمات کی سماعت کے لیے خصوصی عدالتوں کے قیام کا ہمارا فیصلہ جہیز جیسی برائیوں کو ختم کرکے صنفی انصاف کو یقینی بنانے کے ہمارے عزم کا اظہار ہے۔

انہوں نے یہ بھی کہا کہ ہمیں اعلیٰ تعلیم، صحت اور اسکولی تعلیم کے شعبہ خواندگی میں حاصل کیے گئے ماڈل کو دہرانے کے لیے اپنے عزم کواور مضبوط کرنا ہو گا۔

انہوں نے اخیر میں کہا کہ مجھے یقین ہے کہ کیرالہ میں اعلیٰ معیار کے تعلیمی اور تحقیقی اداروں کا ایک مضبوط نیٹ ورک بنا کرہم ہندوستان کو دنیا کے علمی مرکز میں تبدیل کرنے کے قومی خواب کو پورا کرنے میں مدد کر سکتے ہیں۔ اور سب سے بڑی اور متحرک جمہوریت کے شہری ہونے کے ناطے یہ ہمارا فرض ہے کہ ہم آہنگی کے اپنے ثقافتی ورثے کو محفوظ رکھیں اور آگے بڑھائیں۔

یو این آئی