لاک ڈاؤن کے دوران بھی کیرالہ میں ملتی رہی مچھلی!

تعلیم اور سیاحت کے میدان میں مشہور کیرالہ نے لاک ڈاؤن کے دوران بھی گھر گھر مچھلی دستیاب کرنے کی ترکیب تلاش کر ہی لی۔

اس ریاست کے ایک زرعی سائنس سینٹرکی نئی سوچ نے کورونا وائرس کے پھیلاؤ کے سبب لوگوں کی آمد ورفت پرعائد پابندی کی کاٹ تلاش کرلی اور کوچی شہر کے ارد گرد لوگوں کو ہر صبح تازہ لذیذ مچھلیاں گھر کے دروازے پر ملنے لگی ہیں۔

ارناكلم زرعی سائنس سینٹر کی مدد سے کوچی شہر کے چار کلومیٹر کے دائرہ کے لوگوں کو ایک کوآریٹو گروپ کے ذریعے من پسند مچھلیاں اور کیکڑے گھر میں مناسب قیمت پر دستیاب کرائے جا رہے ہیں۔ اپنے بہترین ذائقہ کے لئے مشہور ’پرل اسپارٹ‘، ’سی باس‘ اور ’پینپنو‘ قسم کی مچھلیاں لوگوں کو گھر پر مل رہی ہیں۔ تقریبا 350 کنبے اس سروس کا فائدہ اٹھا رہے ہیں۔ اس نئے سسٹم کے ذریعے یومیہ ڈیڑھ لاکھ روپے سے زیادہ کی مچھلیاں فروخت کی جا رہی ہے۔

زرعی سائنس سینٹر نے ’كڑاپورم فریش فش سپلائی آرگنائزیشن‘ کو تربیت دی تھی جو اب لوگوں کو مچھلیاں فراہم کر رہا ہے۔ یہ تنظیم زرعی سائنس سینٹر کے ساتھی کسانوں سے ان کے فارم پر مچھلی لیتا ہے اوراس کی صفائی کرکے سپلائی کرتا ہے۔

صبح وہاٹس ایپ میسیج کے ذریعے مچھلیوں کی تصاویر اور ان کی قیمت وغیرہ کی معلومات دے دی جاتی ہے۔

اس سسٹم سے کسان بھی خوش ہیں کہ انہیں فارم کے گیٹ پر ہی مچھلیوں کی قیمت مل جاتی ہے اور صارفین بھی خوش ہیں کہ لاک ڈاؤن کے باوجود وہ اپنی من پسند مچھلیوں کا ذائقہ لے رہے ہیں۔

لاک ڈاؤن کے ابتدائی دنوں میں مچھلی سے متعلق سرگرمیوں پر روک لگائے جانے کی وجہ سے زیادہ تر مچھلی بازار بند ہو گئے تھے یا جزوی طور پر کھلے ہوئے تھے جس سے لوگوں کو پریشانی ہو رہی تھی۔ دوسری طرف مچھلیوں کے فروخت نہ ہونے سے کسانوں کو اس کے کھانے پر بھاری رقم خرچ کرنا پڑتی تھی جو مالی اعتبار سے گھاٹے کا سودا تھا ۔

زرعی سائنس سینٹر کی اس کوشش کی ہر طرف سے حمایت مل رہی ہے اور وہ اس کاروبار کو بڑھانے پر غور کر رہے ہیں۔