دھمکی دینے والا شخص گرفتار

مہاراشٹر کرائم برانچ کی ٹیم نے تھانے میونسپل کارپوریشن کی میئر میناکشی شندے کو دھمکی دینے والے شخص کو ممبرا سے گرفتار کرلیا ہے۔

مہاراشٹر کے دارالحکومت ممبئی سے متصل تھانے میونسپل کارپوریشن کے میئر میناکشی شندے کو انکے موبائل فون پر ایک نامعلوم شخص نے فون کر دھمکی دیتے ہوئے کہا کہ میں انڈورلڈ ڈان داؤد ابراہیم اور چھوٹا شکیل کا آدمی ممبئی کے ڈونگری سے بول رہا ہوں، تم تھانے میں خوب لڑائی کرتی ہو، سدھر جاؤ ورنہ اسکا انجام کافی برا ہوگا۔

تھانے کارپوریشن کی میئر میناکشی شندے نے اس کی شکایت کاپور باوڑی پولیس سے کیا تھا۔ تھانے شہر پولیس کے اعلیٰ افسران کو پولیس کمشنر وویک بھنسالکر نے معاملے کو سنجیدگی سے لیتے ہوئے دھمکی بھرا کال کرنے والے شخص کو گرفتار کرنے کی ہدایت دیا تھا۔ ہدایت ملنے کے بعد پولیس ٹیم نے پہلے تو کال کرنے والے نمبر سے یہ پتہ لگایا کہ کال کہاں سے آیا چنانچہ لوکیشن ٹریس ہونے پر پولیس کو معلوم ہوا کہ یہ فون چوری کر ممبرا کے شریفہ روڈ پر رہنے والے وسیم صادق ملا نامی شخص کو فروخت کیا تھا اور اسی نے اس طرح کی حرکت کو انجام دیا ہے۔ ڈپٹی پولیس کمشنر دیپک دیوراج کے مطابق ملزم نے اعتراف کیا ہے کہ اس نے ہی فون کر مئیر کو دھمکی دی تھی. پولیس اب اس بات کی تفتیش کررہی ہے کہ مجرم کو میئر کا موبائل نمبر کہاں سے ملا۔ پولیس ذرائع نے بتایا کہ مجرم 2010 سے 2017 کے درمیان سعودی عربیہ کے جدہ میں بطور ملازم کام کرتا تھا لیکن اب اسکا دماغی توازن ٹھیک نہیں ہے۔