ایم این ایس کارکن کی خودکشی پر رکن اسمبلی کا ردعمل

مہاراشٹر نونرمان سینا کے سربراہ راج ٹھاکرے کو انفورسمینٹ ڈائریکٹریٹ کی نوٹس سے دلبرداشتہ ہوکر مذکورہ جماعت کے ایک حامی نے اپنے رہنما کی محبت میں خود پر کروسین ڈال کر خودکشی کے معاملے پر رکن اسمبلی جتیندر اوہاڈ  کا ردعمل سامنے آیا۔

مذکورہ رکن اسمبلی نے کہا کہ خودکشی کیے پروین چوگلے جیسے جانثار کارکن سے دَل بدلو نیتاوں کو سبق حاصل کرنا چاہیے، جو اپنے مفاد کی خاطر برسوں کا ساتھ چھوڑ کر چلے جاتے ہیں۔
تاہم انھوں نے یہ بھی کہا کہ خودکشی کرنا غلط اقدام ہے جسے وہ صحیح نہیں مانتے۔

ایم این ایس سربراہ راج ٹھاکرے کو کوہ نور میل کی خرید اری معاملہ میں ای ڈی نے نوٹس بھیج کر طلب کیا تھا، جس پر کلوا وٹاوا کے رہنے والے ایم این ایس کارکن پروین چوگلے نے خود کو آگ لگاکر خو دکشی کرلی۔ اس ضمن میں رکن اسمبلی جتیندر اوہاڈ نے متوفی کے اہل خانہ سے ملاقات کی اور انھیں پرسہ دیا۔ اس موقع پر انھوں نے میڈیا سے بات کرتے ہوئے کہا کہ وہ راج ٹھاکرے کو خوش نصیب مانتے ہیں جنھیں جان لٹانے والے کارکنان ملے ہیں،انھوں نے کہا کہ موجودہ سیاسی صورتحال اتنی بدترین ہے ہیکہ لوگ برسوں ساتھ رہنے کے باوجود ای ڈی، انکم ٹیکس کے خوف سے اور ذاتی مفاد کی خاطر ساتھ چھوڑ کر چلے جاتے ہیں۔