امیتابھ بچن کے بنگلے پر بم کی معلومات فرضی، دو گرفتار

بالی ووڈ کے اسٹار امیتابھ بچن کے بنگلے اور ممبئی کے تین ریلوے اسٹیشنوں پر بم دھماکے کی معلومات فرضی نکلی ہے۔ ممبئی پولیس نے اس معاملے میں تھانے علاقے سے دو افراد کو حراست میں لیا ہے۔

سیکورٹی ایجنسیوں میں اُس وقت ہلچل مچ گئی جب ایک نامعلوم شخص نے فون کر کے پولیس کو بتایا کہ 'ممبئی کے تین بڑے ریلوے اسٹیشنوں اور اداکار امیتابھ بچن کے بنگلے میں بم رکھے گئے ہیں۔ تاہم بعد میں یہ معلومات غلط نکلی اور اس سلسلے میں تھانے ضلع سے دو افراد کو حراست میں لیا گیا ہے۔

افسر نے بتایا کہ 'گرفتار ہونے والوں میں سے ایک ٹرک ڈرائیور ہے۔ ممبئی پولیس کے مرکزی کنٹرول روم کو جمعہ کی رات تقریبا 9:45 بجے ایک کال موصول ہوئی جس میں فون کرنے والے نے کہا کہ 'چھترپتی شیواجی مہاراج ٹرمنس، بائیکلا، دادر ریلوے اسٹیشن اور اداکار امیتابھ بچن کے بنگلے میں بم رکھا گیا ہے۔

انہوں نے کہا کہ 'کال موصول ہونے کے بعد گورنمنٹ ریلوے پولیس، ریلوے پروٹیکشن فورس نیز بم ڈسپوزل اسکواڈ، ڈاگ اسکواڈ اور مقامی پولیس اہلکار ان مقامات پر پہنچے اور سرچ آپریشن شروع کیا۔

انہوں نے کہا کہ 'ان تمام جگہوں کی کئی گھنٹوں تک تلاشی لیکن وہاں کچھ بھی نہیں ملا۔ پولیس عہدیدار نے بتایا کہ 'پولیس نے کال کرنے والے کے موبائل نمبر کو ٹریک کیا اور اسے تھانے ضلع کے ممبرا کے قریب شیل فاٹا علاقے سے گرفتار کیا گیا۔

پولیس کے مطابق فون کرنے والا مہاراشٹر کے مراٹھواڑہ علاقے کا ایک ٹرک ڈرائیور ہے۔ ہمیں معلوم ہوا کہ وہ شراب کا عادی ہے۔ اس کے ساتھ ایک اور شخص کو حراست میں لیا گیا ہے اور مقدمہ درج کر تفتیش جاری ہے۔