او این جی سی پلانٹ میں شدید آتشزدگی، جانی نقصان نہیں

صبح تین بجے دو زوردار دھماکوں کے ساتھ پلانٹ میں آگ لگ گئی۔ اطلاعات کے مطابق ہائیڈر کاربن کی گیس پائپ لائن میں لیکیج کی وجہ سے آگ لگی ہے۔ فی الوقت پائپ لائن کی سپلائی بند کردی گئی ہے۔

گجرات کے معروف شہر سورت کے ہزیرا علاقے میں واقع آئل اینڈ نیچرل گیس کارپوریشن (او این جی سی) کے پلانٹ میں آتشزدگی کا معاملہ پیش آیا ہے۔ آتشزدگی کے بعد تین مزدور لاپتہ بتائے جا رہے ہیں جن کی تلاش جاری ہے۔

اطلاعات کے مطابق دو زوردار دھماکوں کے ساتھ پلانٹ میں آگ لگ گئی۔ یہ معاملہ صبح کے تقریباً 3 بجے کا ہے جب دھماکہ ہوا اور پلانٹ سے آگ کی لپٹیں اٹھنی شروع ہوگئیں۔

فائر ٹینڈرز موقع پر موجود ہے، آگ پر قابو پانے کی کوشش کی جارہی ہے۔ لیکن آگ کی لپٹیں بہت تیز ہیں۔ موقع پر فائر ڈپارٹمنٹ کا عملہ، پولیس اہلکار موجود ہیں تاکہ ایمرجنسی کی حالت کا مقابلہ کیا جا سکے۔

او این جی سی نے ٹویٹ کر کے جانکاری دی ہے کہ آگ پر قابو پالیا گیا ہے اور کسی بھی طرح کا جانی نقصان نہیں ہوا ہے۔ کوئی بھی مزدور یا دیگر ملازم زخمی نہیں ہوا ہے۔

ٹوئٹ