'ہمیں فخر ہے آج بھی ہمیں یاد کیا جارہا ہے'

پاکستان اور بھارت کے مابین سنہ 1971 میں بنگلہ دیش کے قیام کے جنگ میں شرکت کرنے والے بھارتی فوجیوں کو آج سرینگر میں 'سورنم وجے ورش' کی تقریب کے دوران خراج تحسین پیش کیا گیا۔ ان سابق فوجیوں کو چنار کور کے کمانڈر ڈی پی پانڈے نے سرینگر کے بادامی باغ کنٹونمنٹ میں حوصلہ افزائی کی اور ان کو انعامات سے نوازا گیا۔

ان سابق فوجیوں نے ای ٹی وی بھارت کے ساتھ بات کرتے ہوئے کہا کہ انہیں بہت مسرت ہے کہ آج بھی فوج ان کو یاد کر رہی ہے۔

ان سابق فوجیوں، جو آج عمر رسیدہ ہیں، نے اس جنگ کی یادیں تازہ اور خوشی کا اظہار کیا کہ وہ آج زندہ ہیں۔
یاد رہے کہ اس جنگ میں جموں و کشمیر سے تعلق رکھنے والے ان فوجیوں نے جنگ میں مختلف کارروائیاں انجام دی تھیں۔

سنہ 1965 میں بنگلہ دیش کو پاکستان سے الگ کیا گیا تھا جس میں بھارتی فوج کا اہم کرداد تھا۔
فوج کے مطابق اس جنگ میں تین ہزار سے زائد اہلکار ہلاک ہو گئے، جبکہ 9 ہزار سے زائد اہکار زخمی ہوئے تھے۔

گذشتہ ایک ماہ سے اس جنگ کی یادیں تازہ کرنے اور کامیابی کا جشن منانے کے لیے فوج نے بیشتر تقاریب کا اہتمام کیا، جس میں وادی کشمیر میں مختلف مقامات پر فوج کی طرف سے ریلیاں منعقد کی گئیں اور مشعل مختلف سرکاری اداروں میں پہنچا کر وہاں ہلاک شدہ فوجیوں کو خراج عقیدت پیش کیا-